ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |

Manny Pacquiao ខកចិត្ត និងសោកស្តាយដែលមិនបានចូលរួមប្រកួតនៅក្នុងព្រឹត្តិការណ៍អូឡាំពិក ២០២៤

  • ចុះផ្សាយថ្ងៃទី១៩ ខែកុម្ភៈ ឆ្នាំ២០២៤ ម៉ោង ១៣:១៨ នាទី ដោយ Mesa
  • 2328
  Aa |   aA

កីឡា​៖ ជាមួយភាពសោកសៅ និងខកបំណង កំពូលអ្នកប្រដាល់ហ្វីលីពីន ម៉ាន់នី ប៉ាគីអៅ (Manny Pacquiao) ទទួលស្គាល់ថា ក្ដីស្រមៃរបស់លោកក្នុងការចូលរួមប្រកួតក្នុងព្រឹត្តិការណ៍កីឡាអូឡាំពិកត្រូវបានបញ្ចប់ហើយ ក្រោយពីគណៈកម្មការរៀបចំកីឡាអូឡាំពិកបានបដិសេធមិនឱ្យលោកចូលរួមក្នុងព្រឹត្តិការណ៍កីឡាអូឡាំពិក រដូវក្តៅ ឆ្នាំ២០២៤នេះ។ 

គណៈកម្មាធិការអូឡាំពិកហ្វីលីពីនបានប្រកាសកាលពីថ្ងៃអាទិត្យម្សិលមិញនេះថា គណៈកម្មាធិការអូឡាំពិកអន្តរជាតិ (IOC) បានបដិសេធសំណើពិសេសក្នុងការចូលរួមប្រកួតក្នុងព្រឹត្តិការណ៍កីឡាអូឡាំពិករបស់អ្នកប្រដាល់ Manny Pacquiao ក្នុងព្រឹត្តិការណ៍អូឡាំពិក ឆ្នាំ២០២៤ នៅរដ្ឋធានីប៉ារីស ​​ប្រទេសបារាំង។ គួរបញ្ជាក់ថា Pacquiao បច្ចុប្បន្នមានវ័យ ៤៥ឆ្នាំ បានសម្រេចព្យួរហ្គង់ និងចូលនិវត្តន៍ពីសង្វៀនកាលពីឆ្នាំ២០២១ មុនពេលលោកឈរឈ្មោះប្រជែងតំណែងប្រធានាធិបតី។ លោកថ្លែងថា "លោកគោរពការសម្រេចចិត្តរបស់ IOC ដែលបានកំណត់វ័យត្រឹម ៤០ឆ្នាំសម្រាប់កីឡាករប្រដាល់ក្នុងព្រឹត្តិការណ៍កីឡាអូឡាំពិក។ 

កាលពីឆ្នាំមុន គណៈកម្មាធិការអូឡាំពិកហ្វីលីពីនបានស្នើសុំសិទ្ធិពិសេសមួយទៅកាន់ IOC ដើម្បីឱ្យ Pacquiao អាចចូលរួមប្រកួតនៅក្នុងព្រឹត្តិការណ៍កីឡាអូឡាំពិកជាលើកដំបូងរបស់លោក។ គួរបញ្ជាក់ថា កន្លងមក IOC តែងតែផ្តល់នូវសិទ្ធិពិសេសមួយសម្រាប់អត្តពលិកមកពីប្រទេសតូចៗ ដែលមានភាពលំបាកខ្លាំងសម្រាប់ប្រជែងយកកៅអីបង្ហាញខ្លួននៅក្នុងការប្រកួតកីឡាអូឡាំពិក។

ទោះជាមិនបានបង្ហាញខ្លួននៅក្នុងព្រឹត្តិការណ៍នេះក៏ដោយ ក៏លោក Pacquiao និយាយថានៅតែបន្តគាំទ្រ និងលើកទឹកចិត្តអត្តពលិកហ្វីលីពីនពីចំងាយ។ បើទោះជាបានប្រកាសចូលនិវត្តន៍ពីសង្វៀនប្រដាល់ក៏ពិតមែន ប៉ុន្តែ Pacquiao នៅតែអះអាងថា លោកនៅតែមានបំណងនាំមកនូវមោទនភាព និងកិត្តិយសដល់ប្រទេសហ្វីលីពីននៅក្នុងសង្វៀនប្រដាល់នាពេលខាងមុខ។ ជាក់ស្ដែង Pacquiao ទើបតែបានប្រកាសទទួលការប្រកួតមួយជាមួយអ្នកប្រដាល់ថៃ  បួខាវ (Buakaw Banchamek) នាថ្ងៃទី២០ ខែមេសាខាងមុខ នាទីក្រុងបាងកក ​ប្រទេសថៃផ្ទាល់តែម្តង៕



ព័ត៌មានជាច្រើនទៀតសម្រាប់អ្នក